Senin, 20 Juni 2011

Silsilah Pepadun "Pasar Negara", marga Buay Pemuka Bangsa Raja

Di Negeri Besar marga Buay Pemuka Bangsa Raja nayah temon Pepadun, salah sai na pepadun "Pasar Negara", pepadun sa mecoh jak pepadun "Pasar Agung"
Wattu cakak pepadun, Kepala Migo mesol 19 kerbau guwai begawi adat.






Dibah sa silsilah Pepadun "Pasar Negara". ulah sai berlaku sistem patrilineal, sai wat disilsilah sa hanya, sanak keturunan sai ragah bugawoh.



















Jumat, 10 Juni 2011

Bugurau Cipt. Fath Syahbuddin

Mati kak senong hatiku kebiyan sa, nyak tungguk pattun sai helau karangan Pak Fath Syahbuddin yakni "Bugurau"
Lamun mak salah, Nyak pandai pattun sa kira2 tahun 1993 anjak kaset Papiku di kutabumi, delom kaset sina nayah pattun sai bareh, lom dialek abung, sungkai, peseser dll, unyinna helau2 munih.
Terakhir nyak nengiskon/niyongkon lagu sa thn 1994, wattu kuliah di Pelimbang kebetulan RRI pelimbang mutarkon kaset sina jak awal hingga akhir.
Bak api "Bugurau" sai pagun diingok, ulah lagu sa pattun na ceria dan dibawakan lom dialek way kanan.
Jadi kak sekitar >15 thn, ampai nyak dapok nengiskon luwot lagu sa, terima kasih jama kuti rumpok sai radu batokkon lagu sa di internet walaupun kualitas file audio na mak temon helau.
Kilu mahaf jama Pak Fath Syahbuddin layon sikam mak haga ngebeli kaset/cd na tapi makkung tungguk dipa sai ngejualna, na'on lamun sikam mulang aguk kutabumi, sikam haga ngunut na luwot.

Sija kira2 Lirik Pattun Bugurau, anyin mak temon lengkap ulah kualitas audio na mak temon helau.

"BUGURAU"

Blambangan layon di tanoh Jawa
Way Kanan buwatos di Way Tuba
Sikop nihan dandanan muli ganta
Gincu jilak mik'ap cak bahasana

Bugurau bugurau ram unyinna
Dang lupa jama adat puranti
Kewajiban tingkah laku rik cawa
Bakdia dang serokkon dihati

Tiyuh Mesir layon di Timur Tengah
Marega kebuwayan Bahuga
------ -------- guway tanda panggilan
Gambang nyak ampai jak jual lada

Bugurau bugurau ram unyinna
Dang lupa jama adat puranti
Najin ram calak pintor sekula
Mak liyu anjak elmu parie

Baradatu jawoh jak negeri inggries
Pasaran karet kupi rik lada
Ki cawamu layon kadar ngelawis
Ram sanggup bugawi dija duda

Bugurau bugurau ram unyinna
Dang lupa jama adat puranti
Wat nekan ram kanik jama jama
Ragom ram setenan miwang nanti (?)

Sri Menanti kak dihujung Way Kanan
Bulangan rahcana (?) negeri Sungkay
Malu hati makngedok kemiwahan
Nyak gambang mun nganak mak cukup say

Bugurau bugurau ram unyinna
Dang lupa jama adat puranti
Bakdia ram liwat/liyu sampai dija
Harapan kutungga muloh nanti

Bugurau bugurau ram unyinna
Dang lupa jama adat puranti
Kewajiban tingkah laku rik cawa
Bakdia dang serokkon dihati